01‏/01‏/2016



شباب كتير جداً عايزين يكونوا "مستقلين مادياً" financially independent وميحتاجش فلوس من والده كل فترة عشان يشتري حاجة خاصة بيه ولا يصرف على نفسه ولا يطلع رحلة، فالحل إنك تشتغل، مش محتاجة فقاقة يعني ‏‎‎‏ 
طيب تشتغل إيه؟
أول ما تسأل السؤال ده بيكون واحد من الردود المشهورة هو "اشتغل كمستقل ‪#‎freelancer‬ في أي مجال تحبه"، أنا مؤيد جداً للإجابة دي وبشجّع الناس كلها على ‫#‏الفريلانس‬، بس للأسف مش كل الشباب عندهم مهارات تقنية technical skills إنه يشتغل على الديزاين أو البرمجة، ومعندوش مهارة الكتابة والتأليف، ومش بيحب مجال التسويق، ومش قوي في الـ MS Office إنه يشتغل على التاسكات الصغيرة حتى ‏‎unsure‎‏معلش في ناس كتير بينقصها مهارات الكمبيوتر كلها، مفيش مشكلة ....
في موقع اسمه H- Research Mystery Shopping
ده بتلجأ ليه المحلات الكبيرة عشان تتأكد من جودة الخدمة
يعني إيه الكلام ده؟!
يعني الشركة بتحتاج تبعت ناس كأنهم زباين عاديين، بس بيكونوا رايحين "يشرفوا ويستكشفوا" حاجات معينة الشركة قايلة لهم عليها، يشوف تعامل الموظفين معاه، الأسعار، يتأكد إن المحل بيقفل في ميعاده مش بدري، يشتري حاجة ويروح يرجّعها ويتأكد إن المحل بيحترمه، يتأكّد إن مفيش عيوب في اليافطة بتاعتهم، إن البروفة بتاعة اللبس مُريحة للعملاء إللي بتقيس ..... حاجات زي كده، عايز يحسّن الـ user experience بتاعة العملاء من كل الجوانب. فأنت بتعمل حاجات معيّنة بيقول لك عليها وتبعت تقرير عبارة عن حوالى 20 سؤال، وتقبض مبلغ بين 100 و 150 جنيه.
أنت بقى بيكون اسمك Mystery Shopper يعني عميل متخفّي
طبعاً أجازة نص السنة جاية وهيكون عندك وقت تعمل حاجة زي دي، محتاج إيه بقى عشان تبدأ؟
أولاً 
إن يكون عندك أكونت على PayPal، وهنا هتحتاج يكون معاك حساب في بنك ويكون بينفع تستخدمه أونلاين، في الغالب احنا كشباب مش بيكون معانا حاجة زي دي، فـ هتروح تعمل حاجة اسمها prepaid card أنا عاملها تبع بنك CIB Egypt وهناك بيكون اسمها travel choice card، بتعملها وتستلمها وأنت واقف بـ 30 جنيه ومش محتاج تحط أي مبلغ في الحساب. بعدها بتربط الكارت بتاعك ده بالحساب إللي بتعمله على الباي بال. بس ده كده بيكون حساب لدفع فلوس، لكن مش هتقدر تسحب الفلوس غير لما يكون معاك حساب في بنك ويكون الكارت بتاعه Visa يعني عليه اللوجو بتاع Visa مش MasterCard. فـ لو مش عندك حساب في البنك ممكن تبقى تربطها بحساب حد تبعك بقى  
ثانياً
يكون عندك أكونت على الموقع إللي بينظّم المشاوير دي بقى  
" اضغط هنا للذهاب لموقع الشركة "
اهتم أوي بالتفاصيل إللي هتكتبها عن نفسك، لإن المحل بيكون عايز شخص بصفات معينة، وهتحط صورتك، الاهتمامات بتاعتك هتأثّر على الفرص إللي بتطلع لك، يعني أنا مثلاً مش كاتب إني بحب العربيات، فـ مش بيظهر لي حاجة زي دي ...
ثالثاً
بتعرف تقرأ وتكتب إنجليزي بمستوى كويس، مش هتتكلّم إنجليزي في حاجة، بس طبعاً الموقع كله مكتوب بالإنجليزي او ممكن تستخدم ترجمه جوجل 


تنبيه : الموقع خالي من الريفال " دعوه صديق و الربح منه " ..


كتب : محمد أبوالعنين
لـ أي استفسار تحدث معة عبر حسابة بفيسبوك 

0 التعليقات:

إرسال تعليق