فوائد الرقم القومي للوحدة السكنية

 

قال المستشار نادر سعد ، المتحدث الرسمي باسم رئاسة الوزراء، إن تسجيل الشقق بالشهر العقاري يترتب عليه صدور رقم قومي لها ، وأنه من مصلحة الجميع تسجيل الشقق لاستخراج الرقم القومي، مشيرًا إلى أنه بدون هذا الرقم لن يتم التعامل على الخدمات الحكومية ، فضلًا عن أن تسجيل الشقة وبيعها لن يحدث إلا بموجبه ، وأشار إلى أنه بناء على إصدار رقم قومي خاص بكل شقة سكنية، ستصبح كل مباني مصر بالكامل مسجلة ومقننة ، كان الدكتور مصطفى مدبولي، رئيس مجلس الوزراء، قد أكد أنه سوف يتم إصدار شهادة ورقم قومي لكل شقة سكنية ولن يتم السماح بتداول أي عقار او وحدة سكنية واعتماد صحة بيع او الاوراق او اي تعامل بعد ذلك بدون هذه الشهادة ، وقال إنه تم توجيه لكل الإدارات المحلية والاحياء لاستلام جميع الطلبات بغض النظر باستكمال الأوراق مع اعطاء مهله لإستكمال الاوراق وسنتعرض الآن الفوائد للرقم القومي لوحدتك السكنية :-

1- تسجيلها بالشهر العقاري واعتماد تسلسلات الملكية .

2- سداد فواتير المرافق ( الكهرباء ، الغاز ، المياه ) بكل سهولة .

3- سهولة الاجراءات علي الوحدة السكنية من خلال المصالح الحكومية ومنظومة مصر الرقمية .

4- متابعة الاقساط المتبقية من قيمة التصالحات .

5- تضاف الي اوراق الوحدة السكنية عند البيع .

Read More

قانون التصالح | كيف ستسدد أقساط وحدتك ؟!

 

صرح المتحدث الإعلامي لوزارة التنمية المحلية بأن صاحب العقار وبائع الوحدة هوا الملتزم بسداد قيمة التصالح في حالة رفض التصالح يجب تحرير محضر ضد مالك العقار في دائرة القسم المقام عليها المبني بغرض ملاحقة المالك وتحميلة المسئولية الجنائية تجاه المخالفة ، وتنتهي المهلة المحددة لسداد رسوم جدية التصالح على مخالفات البناء والمقدرة بنسبة ٢٥٪؜ من قيمة المخالفة يوم ١٥ سبتمبر الجاري ، كما تنتهي المهلة المحددة من أجل التقدم بطلبات التصالح يوم ٣٠ سبتمبر الجاري ، مع أعطاء فرصة لمده 60 يوم لمقدم التصالح لتقديم كافة الاوراق والمستندات المطلوبة لملف التصالح ، وسنتعرض الآن الطرق التي تناقشها الآن وزارة التنمية المحلية والتخطيط لكيفية سداد القسط الشهري للوحدة السكنية او التجارية ، وهي كالآتي :-

1) انشاء تطبيق إلكتروني وموقع خاص بسداد قيمة المصالحات تجاه مخالفات البناء العشوائي والتعدي علي اراضي الدولة .

2) الدفع لإحدي الوزارات عن طريق مكينات الدفع مثل فوري ، امان ، وكافة البنوك المشاركة في اتحاد البنوك .

3) الدفع في منافذ ومكاتب البريد المصري .

4) استخدام خدمات مصر الرقمية .

تقدر تعرف خدمات مصر الرقمية والذي توفر الكثير من الخدمات الحكومية المتنوعة بشكل اونلاين وتصلك للمنزل ( اضغط هنا ) 

تقدر تعرف فوائد الرقم القومي للشقة عن طريق ( اضغط هنا ) 

Read More

خدمات منصة مصر الرقمية المتاحة حتي الآن

منصة مصر الرقمية هو مشروع قومي ينفذة وزارة الاتصالات وتكنولوجيا المعلومات وتشرف علية هيئة الرقابة الإدارية لربط جميع المباني الحكومية بعضها ببعض وتطوير الحكومة الإلكترونية بشكل لائق يستحقها المواطن المصري طالب الخدمة من الجهات الحكومية ، وتوفر المنصة حتي الان 70 خدمة من بينها ,, 

1) وزارة العدل :- ادارة التوثيق والشهر العقاري

( الاستعلام عن صحة التوكيلات ، تحرير توكيل عام قضايا ، تحرير توكيل عام رسمي ، تحرير توكيل رسمي شامل بنوك + عام ، تحرير توكيل في الامور الزوجية ، تحرير اقرار بالشطب ، تحرير اقرار رسمي ، تحرير اقرار تصحيح موثق ، تحرير إقرار بعدم وجود تعديلات على البيانات المساحية ) 

2) وزارة التموين :-

( إصدار بطاقة تموين جديدة ، إصدار بدل فاقد لبطاقة تموين ، إصدار بدل تالف لبطاقة تموين ، تفعيل بطاقة تموين ، فصل اجتماعي ، ضم افراد للاسرة ، نقل من محافظة الي آخري )

3) وزارة الداخلية : المرور :-

( تَظلُّم على مخالفات رخص مركبات ، سداد المخالفات ، تجديد رخصة مركبة ، بدل تالف رخصة مركبة ، تحرير توثيق عقد بيع مركبة ، تحرير توكيل بيع مركبة ، استعلام عن مخالفات رخصة مركبة ، التأكد من صحة بيانات مركبة ) 

4-  النيابة العامة : الرخصة :-

( استعلام عن مخالفات رخص القيادة ، تظلم علي مخالفات رخص القيادة ، سداد مخالفات رخص القيادة ، اصدار بدل تالف رخصة قيادة ، إصدار بدل فاقد رخصة قيادة   )

5- وزارة العدل : المحاكم :-

( تسجيل حسابك كحام ، اقامة الدعوي المدنية ( خلال مواعيد العمل الرسمية ) .

6- كمان متنساش الخدمات الي بتوفرها وزارة الكهرباء و وزارة الداخلية و وزارة التضامن الاجتماعي علي موقعهم الإلكتروني .

ستشمل الفترة القادمة اضافة خدمات لوزارة التربية والتعليم ، المالية ، البريد المصري ، الصحة ، التضامن الاجتماعي .

رابط المنصة : اضغط هنا 

ونجيبكم علي بعض الاسئلة الشائعة :) 

1- هدفع ازي ؟ من خلال منصات الدفع زي سداد ، وقتي ، مصاري ، بي ، امان .

2- هستلم الخدمة امتا ؟ من 12 ساعة وحتي اربع ايام عمل .

3- بسجل ازي ؟ بالرقم القومي الخاص بك والاسم الاول من اسم الام .

Read More

انا والتيليجرام وهواك !

المقالة بالعامية ، الهدف من المقالة وعي للبنات ومش لازم كلام فصحي :) 

في الاول خالص خليني احكيلك إشمعنا التيليجرام ولية مش فيسبوك او انستا حتي ، تطبيق التيليجرام هو تطبيق تراسل فوري عادي جداً زي غيرة من التطبيقات بس مميز انه مفتوح المصدر جزئياً يعني شبه ملوش كبير :( وشغال علي اغلب الاجهزة وكمان بيدعم صيغ كتير من الملفات الي بيتم مراسلتها ، من ناحية الأمان فجميع الرسائل مشفرة تماماً ولايمكن للحكومات او الأشخاص بإختراقها ، ومن ناحية الخصوصية بيحافظ عليها بشكل تام ، وأتسس في 2013 بواسطة اشخاص روس * شاركو في منصة VK الي بيتقال علية الفيسبوك الروسي * ومقر الشركة في المانيا .

الفئات المسيطرة علي التيليجرام ؟ الشركات ، الاكاديميات التعليمية ، المتطرفين ، مروجي الاباحية الشاذة ها الشاذة زي الاطفال وغيرها ، تجار السوق السوداء ( دي الفئات المسيطرة مش تقولي اسماء بتاعت الفطير المشلتت والسمنة البلدي الي عاملة جروب وبتشير منتجات ولا اختها بتاعت ماي واي وبتنزل المجلة ) .

لية بيستخدمو التطبيق ده مؤخراً ؟ سياسية التيليجرام سياسية جبر خاطر يعني لو قدمنا بلاغ علي 5 قنوات ممكن يتقفل منهم 1 مثلاً ، وبيستخدمو التطبيق ده لانهم بيديهم مساحة من الحرية والنظام ، الحرية انه يقدر يمسح الرسالة اي وقت بدون ميظهر اي اشعار ان في حاجة إتمسحت ، النظام انه يظبط وينسق محتواه كأن القناة مدونة ، الخصوصية في التطبيق بتساعدة انة يعمل كل حاجة هوا عايزها .. وحكومات العالم بتعرف تتعامل برضو علي حسب كل حالة ودرجة خطورتها .

لسة في هكر ؟ عالفيسبوك حالياً مفيش الكلام دة نظراً لسياسية وأمان الفيسبوك فعملية الاختراق بتم بحاجة بإستخدام تطبيق او رابط شبية بصفحة الفيسبوك او بقي حد يكون شغال في شركة اتصالات يسحب الخط بتاعك ويسترجع كلمة السر ، لكن فكرة اني اتصل بيك برقم وترد اخترقك ده بلح ، فكرة اني اتصل بيك برقم برايفت نمبر مأجرة من سكايب واقولك انا اخترقتك بلح برضو .. وبالمناسبة صور جروب المنصورة دي مش صور منشورة عالاكونت دي مبعوتة بمنتهي إردتها لواحد صاحبنا بتاع ( يا بت انتي مراتي ) فمنشتغلش بعض ونبي .

طيب بيجيبو الصور منين بتاعت البنات ؟ ننسي فكرة الهاك دي لان حالياً الضحية بيبقي عارف انه بيتهاك ازي سواء ابلكيشن سوشيال او ابلكيشن حملة علي الجهاز ، فالصور بتتجاب منين ؟! صور ومقاطع فيديو بتبعتها الضحية لشخص ما فيختلفو علي حاجة ما فايبنشرها علي سبيل التهديد ، او علي سبيل الانتقام معتقدش فكرة الربح دي بصراحة لان الي بيكون غرضة ربح مش هيجازف بشخصيتة ، فبتوصل الصور دي لشخص ما بيستغلها في تحقيق ربح ! .. فيحقق الربح ازي واللينكات دي بتتحذف والاكونت اتقفل انتهاك معايير علي الفيسبوك فيقوم عامل قناة علي التيليجرام او بيشترك في منتديات اباحية.

طيب ازي الحكومة بتتصرف في الحالة دي ؟ وزارة الداخلية المصرية بتعرف تسيطر تماماً علي الحاجات دي وقطاع مباحث الانترنت عندة إمكانيات رهيبة حرفياً وعقول شبابية ممتازة سواء ظباط او اشخاص بيتم انتادبهم للمساعدة التقنية ، فعلي سبيل المثال لو الصور او المقاطع علي موقع اباحي بيتم مراسلة الموقع بحذف المحتوي بسبب كذا ( 70% من المواقع الاباحية بتيح الخيار ده تحت كل فيديو تقدر تبلغ بنفسك لو حابب ) ، طب لو تيليجرام هيجبوة ازي ! اعتقد ان مفيش حد هيضحي بوقتة ببلاش فبيتم التواصل مع اصحاب الموقع المرفوع عليها الملف بغرض الربح ، الموقع الي تم اختصار الرابط فية لغرض الربح وبيقدرو من خلال وسيلة الدفع التعرف علي الجاني .

طيب انا بخاف اهلي تعرف لما اقدم البلاغ ؟ اهلك مش هيعرفو حاجة بس متكونيش عاملة قناة علي تطبيقات زي لايكي و تانجو وبتعرضي محتوي جنسي وتروحي تعملي بلاغ ان في واحد سجلك الايف في الروم السري ونشرة علي النت ، وبيتم التعامل بشكل خاص جداً وتقديم إستثناءات للاشخاص المضرورين .

ازي احمي نفسي ؟  نخفي بيانتنا الشخصية علي مواقع التواصل الاجتماعي ونخفي الصور بتاعتنا مش لازم يعني العالم كلة يشوف فستانك الجديد :) ، متدخليش علي اي رابط يتبعت ليكي ، متحمليش اي تطبيق مشبوة ، اي ملفات مضغوطة بحجم قليل .. متبعتيش صورك لحد يختي ( بصوت مبروك عطية ) 

Read More

استرجع هاتفك المفقود بخطوات بسيطة !

الاول خالص انك بتتصل بدليل مصر ( 140 ) او ( ارقام مباحث التليفونات 25771755 / 25798166 ) علشان تعرف مكتب مباحث التليفونات الي قريب ليك  وبعدها بتجهز الحاجات دي :
( صورة بطاقتك سارية ، علبة التليفون بالملحقات الي معاك تكون موجودة فيها ، صورة مطبوعة لظهر العلبة ، ارقام الخطوط الي موجودة في التليفون قبل ميضيع ) و بتروح بدري لمكتب مباحث التليفونات والموظف هيقوم بدور القسم من ناحية اجراء المحضر وبيديك رقم المحضر وده تحتفظ بيه جدا , كمثال :

طيب , الشرطة بتعمل اي ؟
- بيتم تسليم المحضر للنيابة العامة وكمان طلب استعلام من شبكات المحمول الاربعة ..
- النيابة بتبعت الملف للمحامي العام لتحرير خطاب استعلام من شبكات المحمول الاربعة ..
- شبكات المحمول بترد بالعنوان الي اتفتح فيه التليفون اخر مرا وكمان بيانات صاحب الخط الاصلي وبيانات صاحب الشريحة الجديدة .
- المحامي العام يبعت الاستعلام للنيابة الجزئية 
- بناء علي اوامر رئيس النيابة بيخلي موظف الاستيفاء يكلم السارق للوصول لحل ودي ..
 لو مستجبش طيب ؟
قرار بظبط واحضار السارق وبيتم تحرير جنحة سرقة ومتعلقات شخصية لحامل التليفون وبيتحدد لنظرها جلسة ونظر الجنحة .

معاك من شهر لشهرين بعد مرور 60 يوم عن الواقعة اعرف ان الي سرقة باعة قطع غيار :/ وده الحل الي اغلب محلات الصيانة او المستعمل بتعملة .

Read More

مهمات وظيفة Usher\Promoter‎‏‏

تمهيد خفيف الاول , الـ أشر ده بيكون تابع لشركة دعاية او تسويق و بتكون مسؤلة عن حملة لمنتج\خدمة في مؤتمرات \ هايبر ماركت او معارض ، مراكز تسوق * Mall * 
أشر : ده بيكون لفترة مؤقتا بتصل لـ ايام محددة 3-15 ايام ودي بتكون فترة المؤتمر ، المعرض او الحملة عموما و بيتم الاشراف عليك و تعينك من قبل شركة التسويق بالاتفاق مع مقدم المنتج\الخدمة 
البروموتر : الموظف\ة بيكون تابع للشركة نفسها او لوكيلها مثال ممثلي المبيعات في محلات بيع الهواتف \ اماكن تجزئة الاجهزة الكهربائية و من اشهر الشركات الي بتطلب بروموتر 
Nokia - Huawei - oppo - Samsung - MI - Tecno - infinix
وبتنقسم لجزءين موظفين الشركها نفسها دول بيكونو إداريين و موظفين لوكيل للشركة 
جهة التعيين في البروموتر اما عن طريق الـ Recommended او صاحب المتجر بيقترح حد يكون بروموتر معاه 

اشتغل ازي في المجال ده ؟..

أشر : لازم تفهم ان الوظيفة دي مش ثابتة , اه العائد اليومي ليك بيكون 120/250 ج.م وطبعا بتختلف حسب المشروع الي انتا هتنزل فية غير المميزات التانية زي الوجبة او مواصلات 
بس فترة المشروع 7 او 15 يوم بالكتير و اغلب المشاريع بتكون اقل و موسمية , التعيين بيكون من خلال شركة تسويق متخصصة في ده و بتقترح الاشر لشركات انتاج افلام و مسلسلات و بتتواصل معاهم شركات منظمة لحفلات او مسؤلة عن حملات تسويقية وبيحتاجو أشر للمنتج 
البروموتر : ثابتة و المرتب بيكون اساسي 1250 ج.م * تختلف من شركة لشركة و لكن الاغلبية حددت هذا كراتب اساسي * + العمولات و دي القصد منها تارجتك سواء كنت بروموتر لشركة هواتف \ منتجات اغذية \ الكترونيات 

المهمات اي ؟..

أشر :-
1) تقديم التحية للعملاء \ زائرين الجناح او المعرض .
2) الحفاظ على النظام وضمان الالتزام بقواعد السلامة.
3) تقديم المساعدة مع الاحتياجات الخاصة للمستفيدين ، مثل مساعدة الأشخاص ذوي الكراسي المتحركة.
4) رفض الدخول للأشخاص غير المرغوب فيهم أو الأشخاص الذين لا يحملون تذاكر .
5) تسوية النزاعات الخاصة باماكن الجلوس والمساعدة علي حل مخاوف العملاء الأخرى.
6) عد وتسجيل عدد التذاكر المجمعة .
7) العمل مع الآخرين لتغيير عرض الإعلانات او اماكنها .
8) توزيع المنشورات الدعائية او العينات المجانية على المستفيدين.
9) إدارة المخزون في الاماكن الخاصة بالمنظمين .
10) إدارة كشك المعلومات وعرض لافتات وملصقات الأحداث و المناسبات و جدولها الزمني .
11) الابتسام للعملاء وشرح خدمات و منتج الشركة و الرد علي اسئلتهم .
12) التشجيع علي زيادة المبيعات ، ابداء الراي عن المنتج او الخدمة .

البروموتر :-
1) الاجابة علي اسئلة العملاء و المقارنة بين منتجات المنافسين .
2) توجية العملاء الي القنوات الرسمية للاستفادة من خدمات ما بعد البيع او الفحص .
3) بيع و تسويق الخدمة او المنتج .
4) متابعة مشاكل العملاء من الخدمة و استخدام الامكانيات لحلها .
5) توفير احدث الملصقات و المنشورات الدعائية بمركز بيع المنتج او تقديم الخدمة .

, وظائف أشر / موديلز / بروموتر / انميشن : شوف المتاح من هنا ( اضغط هنا ) 

Read More

شرح موقع Getsurl

اول حاجة هتدوس هنا علشان تخش للموقع تعمل حساب 

اضغط هنا 

فكرة الموقع هوا اختصار اي رابط اغاني او موقع او افلام او افلام او اي مرفق والزائر يستني 5 ثواني ويضغط skip ads 

وال 1000 زيارة بـ 5$ او 6$ ..

اول مهتخش عالرابط هتلاقي الصفحة دي , أملء البيانات 

كده معاك حساب , ازي بقي تختصر رابط

قوائم الموقع ..

متنساش تضيف وسيلة دفع ,, فودافون كاش و اقل مبلغ 5 دولار

وكده تمام اشتغل و لما تكمل 5 دولار هيتم الدفع تلقائي 

Read More

القصة الكاملة للبيتكوين !

- البيتكوين اي ده و بدء امتا ؟

عملة رقمية تستخدم في عمليات دفع , سواء شرعية او غير شرعية بس اغلب الي معاه بيتكوين يما بيستخدمة للتدوال علي منصات زي بولنيكس او بيحفظ فلوسه فيها * بيسقعهم * او بيستخدمها في عمليات دفع شرعية بسبب التخفيضات مثال * خصم 10% في حالة دفعك ثمن الاوردر بالبيتكوين * او في عمليات غير شرعية زي ملفات psd مزورة , بطاقات ائتمانية مسروقة و الخ .

بدءت في شهر 1/2009 وكانت قيمتها بالمصري متجبش ربع جنية لحد ما في 2010 بقي تمنها 1$ , 6 جنية مصري

وبدءت علي الدارك ويب و في خلال فترة صغيرة بدءت علي الديب ويب , وبقي افراد و مواقع بتستخدمها في عمليات دفع و بقت وسيلة دفع معتمدة حتي الان , رغم ظهور اكتر من 1092 عملة رقمية لكن سيظل البيتكوين سيد العملات .

عاوز تعرف اي هوا الدارك ويب ؟ خش هنا .

- مين الي بيتحكم فيها طيب ؟

لا مفيش , حتي ساتوشي ناكوموتو * مؤسس العملة و ده اسم وهمي * ميقدرش يتحكم فيها , العملة دي لا مركزية و محدش يقدر يعرف بيانات شخصية لمتداوليها , والية عمل البيتكوين Peer-to-Peer * تعامل مباشر بدون وجود وكالة وسيطة *

- ازي اجيب منها او يكون معايا بيتكوين ؟

مبدئيا كده ,

الجنية / 100 قرش .. الدولار /100 سنت

البيتكوين / 100,000,000 ساتوشي

للحصول علي بيتكوين مفيش قدامك غير 3 طرق تجيبهم بيها ,

1- إستعمال مواقع Faucet :

بتجمع فيها الساتوشي يعني كل ساعة يديك كود كابتشا تكتبة يتحط في اكونتك عالموقع 92-44 ساتوشي

ننصحك بهذا الموقع سجل الان .

2- تعدين البيتكوين :

في البداية عندما كانت البتكوين تنتج من خلال تنزيل محفظة تابعة على جهاز كمبيوتر عادي, كان لدى المحفظة القدرة على تعدين البتكوين من خلال هذه المحفظة وذلك عبر استخدام قوة الـCPU الخاصة بجهاز الكمبيوتر.

ولاعتماد حركة التعدين أصلا على الانترنت, فكان يتم توثيق عملية التعدين واستخراج البتكوين في هذه المحفظة, والتي كانت أيضا توثق هذه الحركة لدى كل من كان لديه محفظة بتكوين (عملية لحظية مباشرة-Online)

وكان ينشأ بالتالي سلسلة من عمليات توثيق البلوك المستخرج ليس فقط في المحفظة التي قامت بفك تشفير البلوك والحصول على جائزة البلوك, وإنما في كل المحافظ وعلى مستوى العالم, وبالتالي كان ولا يزال من الصعب تزوير بلوك أو إضافته للسجل العام (Block-Chain) من دون أن يتم الموافقة عليه من جميع المحافظ العاملة أونلاين.

مهمة التعدين هو تأكيد المعاملات الي بتم من الراسل للمرسل لة و الـ Fees بتبقي مكأفاة للجهاز الي أكد العملية , تقدر تتابع فيديوهات يوتيوب عن التعدين و هتفهم اكتر .

3- الإستثمار في البيتكوين :

يعني بتشتري 6 دولار مثلا بيتكوين و تحطهم في موقع يرجعولك اخر الشهر مثلا 8 دولار . واغلب المواقع الي شغالة اليومين دول استثمار هينصبو عليك لانهم شغالين بنظام بونزي

يما بقي لو معاك 200 دولار كده اشتري بيهم بيتكوين و حطهم في محفظتك .

- بحفظ البيتكوين فين ؟

في محافظ الكترونية , أمن محفظة و اقل رسوم هية blockchain التي تعتبر سجل عالمي لامركزي لتسجيل وحفظ جميع تحويلات ومعاملات بيتكوين وخدمات لا نهائية.

نبسطها ؟ يبقي نبسطها ، لو بتحميل افلام التورنت هتكون عارف ان الافلام لا توجد على سيرفرات الموقع ولكنها توجد على اجهزة المستخدمين نفس الموضوع في شبكة البلوك شاين هي شبكة تراقب وتسجل جميع تحويلات العملة الرقمية لكن هذه الشبكة تستمد قوتها من اجهزة المستخدمين يعني لا يوجد من يتحكم بها لا من قريب ولا من بعيد , تقدر تعمل محفظة مجانا من هنا : https://blockchain.info/wallet

* متسجلش دخول في اي موقع غير الموقع الرسمي الي فوق ده للمحفظة *

كل الي هتحتاجة اميل , رقم تليفون لتأمين المحفظة و متنساش الـ 12 كلمة *برايفت كي * في مكان أمن " أهمية المفتاح بقي في استحالة فك تشفير الرسالة من دونها حتى ولو كانت خوارزمية التشفير معروفة، لان فك التشفير يقتصر على من يمتلك المفتاح فقط وبالتالي محدش هيقدر يتحكم في محفظتك غيرك "

- معترف بيها ؟ يعني اقدر اشتري بيها او اغيرها لدولار او مصري ؟

في مطاعم و كافيهات في الامارات , الكويت , السعودية , فلسطين , عمان , وتقدر تغيرها للعملات المحلية في بلدك عن طريق شركات الوساطة المالية او كلمنا و احنا هنساعدك في عملية الشراء او البيع لضمان حقك او من خلال Localbitcoins وشركات زي ديل , ميكروسوفت , انغامي , الخ بتقبل البيتكوين .

- طيب ازي اعرف سعرة ؟

البيتكوين بيخضع للعرض و الطلب يعني سعرة كل 10 ثواني هتلاقية مختلف و تقدر تتابع سعرة من هنا Preev

و كمان تقدر تتابع المبالغ المستثمرة بالبيتكوين و العملات الاخري من خلال Coinmarketcap

تابعونا في المقالات الجاية هنتكلم اكتر عن البيتكوين , ومتنساش تعمل لايك لصفحتنا عالفيسبوك : TA2NEA

Read More

كيف يعمل " ألية عمل " الـ VPN ؟!

اولاً VPN = Virtual Private Network
 الترجمة الحرفية ليها هي شبكة افتراضية خاصة .. دلوقتي انت عندك في العمارة الواد زيزو عنده راوتر و انت واخد منه واصلة او سلك عشان تحطه في الكمبيوتر بتاعك و تشغل النت عندك .. انت كده واخد النت بتاعك من الواد زيزو فـ لو عملت اي مصيبة هيقبضوا علي زيزو عشان الراوتر عنده هو و هو صاحب الراوتر,
الـ VPN نفس الحوار بقي .. انت بتكون واخد الـ serverr اللي مشغل بيه النت بتاعك من بلد تانية خالص, زي ما انت كنت مشغل النت بتاعك من شقة تانية خالص غير شقتك " مشغله من عند زيزو " يعني مثلاً لما انت تكون متصل VPN Server برة مصر .. من فرنسا مثلاً فـ انت كده اكنك قاعد في مصر بس الرواتر بتاعك في فرنسا, و بالتالي الـ IP بتاعك هيكون في فرنسا,
.
يعني ايه الـ IP بتاعك من فرنسا ده و ايه لازمته ؟ 
مش انت دلوقتي لو دخلت علي googlee و كتبت " حالة الطقس " هتلاقيه جابلك حالة الطقس في القاهرة " او المحافظة اللي انت منها " .. طيب ايه ده انت قولتله حالة الطقس بس هو عرف منين انك من القاهرة و جابلك حالة الطقس بتاعت المنطقة اللي انت فيها ؟ عرف من الـ iP بتاعك .. و بالتالي لما انت تكون متصل VPN Server من فرنسا الـ IP بتاعك هيكون في فرنسا يعني لو دخلت علي الـ youtube هيجبلك الـ youtube بتاع فرنسا و google بتاع فرنسا و كل حاجة بتاعت فرنسا عشان انت باين قدامه من الـ ip بتاعك انك من فرنسا 
.
طيب برضو انا هستفاد ايه من الحوار ده لما اكون واخد نت من فرنسا ؟
خليني افاجئك الاول و اقولك ان انت كـ مستخدم فـ مزود الخدمة بتاعك سواء كانت te-dataa او vodafone او whatever الشركة اللي انت مشترك فيها مقابل انك تاخد نت .. فـ هي مش بتديك السرعة بتاعتك كاملة, لا بتاخد جزء منها بس و ده بسببين و هما,
1- السرعة الكلية للنت بيتعملها Sharee في السنترالات لكل المستخدمين و بالتالي بتتجزء علي كل واحد مشترك و انت بتاخد نصيب صغير منها
2- ان الـ serverss دي كل ما عدد المستخدمين عليها بيزيد و يزيد الحمل عليها بتبدأ تبطئ في تنفيذ الطلبات اللي انت بتطلبها, يعني لما تكوني انتِ جايبه راوتر ليكي انتِ و سارة بس, غير ما يكون ليكي انتِ و سارة و هدير و ندي و شيماء و اسراء و آيه و حنين و كلهم دخلوا google و كتبوا " العاب تلبيس بنات ولا العاب مكياج " , اكيد كل ما عدد المستخدمين علي الرواتر بيزيدو كل ما السرعة بتبطئ لكل مستخدم فيهم .. نفس الموضوع في الـ servers اللي انت بتاخد منها النت في السنترالات بقي
.
طيب انت مازلت مش عارف انت هستفاد ايه برضو من الـ VPN ؟
لو انت متصل بـ VPN Serverr فـ انت ملكش دعوة بكل العك اللي بيحصل في السنترال ده و لا شيماء و اسراء و حنين و مهما عدد المستخدمين و الحمل علي الـ server يزيد فـ انت التصفح عندك سريع و بتاخد سرعتك كاملة تقريباً و ملكش دعوة ... بس كده ؟ 
.
 لا كمان لو الحكومة بتاعت بلدك كيوت زي حكومة مصر كده و قررت تعاملك كـ عبد و تفرض عليك سُلطتها و خلت مزود الخدمة بتاعتك te-data مثلاً خلتها تقفل كام موقع بحجة الامن العام ولا اي حجة من بتوعهم زي ما حصل في 25 يناير لما شركات النت في مصر عملوا proxy و قفلوا الـ Facebook و مواقع تانية .. فـ انت لو متصل بـ VPN Server هتقدر تخش علي المواقع اللي قفلوها دي عادي و كمان الاتصال بتاعك بالنت هيكون مُشفر .. ليه بقي ؟
 بالظبط كده .. عشان انت واخد النت بتاعك من فرنسا فـ ملكش دعوة بـ اللي بيحصل في مصر ولا اللي مزودين الخدمة بيعملوا في مصر
.
طيب الـ VPN ده فيه منه انواع ولا اشكال ولا اي حاجة ؟
اه طبعاً ليه ( Protocols = بروتوكولات ) كتير زي
IPSEC
OpenVPN
PPTP
و البروتوكول PPTP بيشتغل علي اي نظام زي windows و linux .. إلخ
.
تعالي نتكلم بشكل تقني شوية بقي و اعرفك آلية عمل الـ VPN
 اتخيل معايا كده ماسورة مية كبيرة جواها مواسير كتير صغيرة, كل ماسورة من المواسير الصغيرة دي بتنقل المية في شقة .. اتصالك بالنت بقي عبارة عن ماسورة كبيرة و كل أمر انت بتدخله ليه ماسورة صغيرة مخصصة جوه الماسورة الكبيرة بيمشي فيها.. هفهمك اكتر
.
 انت دلوقتي واد مقطع السمكة و ديلها و بتكلم سارة علي النت و بتكلمها سكايب كمان يعني كتابة و صوت و صورة و مظبط نفسك علي الاخر يعني, تعالي نقول ان سكايب ليه 3 مواسير صغيرين علي الاقل جوه الماسورة الكبيرة, ماسورة لنقل المحادثة الكتابية وماسورة لنقل الصوت وماسورة لنقل الصورة, يعني و انت بتثبت سارة و بعتلها ايموشن قلب, اهو الايموشن ده مشي في الماسورة الخاصة بنقل المحادثة الكتابية, و لما هي بعتتلك صورتها و هي لابسة الاسدال فـ الصورة دي مشيت في الماسورة بتاعت الصور .. و لما انت بعتلها صوتك و انت بتقولها بحبك يا بت, الصوت ده مشي في الماسورة الخاصة بالصوت
.
 و بما ان احنا اتفقنا نتكلم بشكل تقني فـ الماسورة الكبيرة هنا نقصد بيها " الاتصال بالانترنت " و الماسورة الصغيرة نقصد بيها ( port = منفذ ) .. طيب و الماسورة الكبيرة دي " الاتصال بالانترنت " جواها كام ماسورة صغيرة " كام Port " ؟
الاتصال بالانترنت يا سيدي فيه 65535 بورت = Port
و كل بورت خاص بحاجة زي مثلاً بورت رقم 80 خاص بـ HTTP و بورت 80800 خاص بـ HTTPS و هكذا ..
.
الـ VPN بيعمل ايه بقي وسط كل البورتات و الليلة دي كلها ؟
الـ VPNN بياخد كل الطلبات بتاعتك اللي بتطلبها زي مثلاً عايز تتصفح موقع كذا ولا اي طلب و بيعمل حاجة اسمها PORT Tunneling و بيبعت كل الطلبات دي لبورت خاص و في الغالب بيكون البورت رقم 443 و بعدين الـ Server ياخد الطلبات دي و ينفذلهالك و يرجعها للجهاز بتاعك علي نفس البورت برضو, و ده قمة الاعجاز العلمي !
.
طيب لو فيه واحد مبيحبش رقم 443 و عايز الـ VPN يعمل عملية الـ PORT Tunnelingg مع بورت تاني غير بورت 443 .. ينفع ؟ 
 اه ينفع يغير البورت ده عادي بس بشرط ان البورت اللي هيغيره ليه ده ميكنش بتاع حاجة تانية, يعني مينفعش يغيره للبورت رقم 80 مثلاً عشان البورت ده بتاع HTTP و هكذا ..
.

Read More

تعرف الـ SS Hackers ?

فيه فئة من الـ Hackers اسمهم الـ State Sponsored Hackers ده الاسم العالمي ليهم بس انا مسميهم " مصلحة ولا مروحة ! ? " هتعرف ليه  ? ...
الـ State Sponsored Hackerss هما الهكرز اللي الحكومات و المخابرات بتصرف عليهم و بتوفرلهم دعم مادي و معلوماتي و كل حاجة الهكرز دول هيحتاجوها في مقابل انهم يخترقوا جهة تانية و يفضلوا جوه الاجهزة و الشبكة بتاعتها اطول فترة ممكنة بحيث المخابرات تقدر تتجسس و تسحب اكبر قدر من المعلومات براحتها, و بالمناسبة النوع ده من الاختراق اسمه APT اختصاراً لـ Advanced Persistent Threat و هبقي اتكلم عنه بعدين بس هو بختصار عبارة عن استخدام تقنيات و برمجيات متطورة بتساعد الهكر انه يفضل جوه اجهزة و شبكات الشركات و الجهات اللي بيخترقها اطول فترة ممكنة من غير ما حد يحس, و في الغالب ان مكنش دايماً فـ نوع الثغرة اللي بيخش من خلالها بتكون Zero day بحيث انه يخش و يحط Backdoors و ولا من شاف ولا من دري  ?

[*] مصلحة ولا مروحة عشان الـ State Sponsored Hackers بيكونوا واخدين غطاء قانوني طول ما هما بيشتغلوا عند المخابرات, يعني لو عملوا اي هجمة لمصلحتهم الشخصية محدش هيقولهم انتوا بتعملوا ايه, ماشيين بمبدأ فيد و استفيد يعني 

Read More